khallini(album kauchmar)

ani nghani 3anass lkol ma3andi 7ata far9
mahma ykoun l asl f tarikh wella fel 3ar9
wla7akmak l9ala9 rou7 a9ra sourate lfala9
koul wa7d fina takhla9 ghir men notfa w men 3ala9
nghani 3al wilayat men ljiha di l jiha dia
njahd bjohdi bach nna7i ljihawia
khatak ljahilia ahi jabat ttaba9at
nsaw 7na men adam w adam men torab
nghani blogha ta3i darja la3jeb
hada dialecte directe mafihch loughat lkhachab
mala ched wesme3 l asrar ta3 a9wali
wklami rou7 a9rah m3a nizar el9abani
khatra nkoun cha3o w khatra nkoun cha3er
khatra nghani 3ali ja3ou walm3icha li lyoum bcha3at
n7abak tefhemni ani nghani bel 9bayli
khouya 7adri mani hadouma wlad bladi
*****
o khali nghani hna 3awlad bladi
khalini nghani 3a wach kayn fla7yat hadi
khallini nahdar khallini n3abbar
khallini na7ki khatar galbi m3amar
*****
wnghani 3la ay wa7d mayhamnich wayn yeskon
fchar9 fi mdawroch wla sud fi beni yesguen
laghouat tlemcen mestghanem wla meghnia
mel 7asi loued souf w men lekhroub lwakhdaria
bnesba lia lmatricule ma3moul hakak
7na wlad nejma wahlal wlad rrojla welhaddat
l'histoire ça y est fret rahi marka tsena hna
bstylo ta3 ben badis w syoufa ta3 kahina
3adik ani hna 3a tergui ta3 sa7ra
seyf fi galma fel 45 ya3tihom sa7a
zidelhom ta3 batna tizi wezou wbjaya
lcourage ta3 chawia we jbal ta3 yema lgouraya
mala goul m3aya yar7am la3bad hadia
li matou fe taoura wla li matou 3a dimo9ratia
l9adia dia ta3 nif 9dor w 9ima
3adika wlad bladi ani nghani 3lihom dima
*****
o khali nghani hna 3awlad bladi
khalini nghani 3a wach kayn fla7yat hadi
khallini nahdar khallini n3abbar
khallini na7ki khatar galbi m3amar
*****
wnghani 3a tafla mathemnich samra w bayda
lmohim b9imetha b9raya wla bkhyata
na7ki 3a lmra li t3aych wladha bel pontion
wtfol li yashar bah yjib lbac avec mention
na7ki 3a jeune li belghorba tes7er
li ra7 fi flouka wmskin mat fi nes lb7ar
wna7ki 3alli khatihom msaken khawetna 7na
gatlouhom ayadi lghadra bdolm wlkhawana
na7ki 3a jeune liy7ab lfoot welbalon
ly7ab les matchs wli yasdam foug lgazon
lyrou7 fi deplacement m3a l'equipe wm3a lghachi
lysoti 3assour wjamais ykhoch 3al guichet
hada hoa lklichi hadou houm les algeriens
fina l3a9el fina l9bi7 fina lmarg fina lbien
finalement 9adrin kol nmoutou 3al3lam
khatak au fond hadouma wlad hadouma wlad
*****
o khali nghani hna 3awlad bladi
khalini nghani 3a wach kayn fla7yat hadi
khallini nahdar khallini n3abbar
khallini na7ki khatar galbi m3amar
*****

MOUHIB Amine

Créer un site gratuit avec e-monsite - Signaler un contenu illicite sur ce site